Mudivhalea kha zwa mitambo Vho Mamba Nthangeni vho fhira shangoni

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Muḓivhalea kha nḓowetshumo ya zwa mitambo vhe vhavha vhe mugudisi wa Venda athletics na thimu dza bola ya zwanḓa, Vho Mamba Patrick Nthangeni, vho fhira fhano shangoni vhuongeloni ha Phuluso Netcare ngei Bulugwane. Vho Nthangeni vho lovha nga ḽa fumbili-thihi nga murahu ha ulwa na vhulwadze ha tshifhinga tshilapfu, vhovha vhe na minwaha ya furathi-ṱahe. Nga tshifhinga tsha vhutshilo havho, Vho Nthangeni vho shuma sa mugudisi wa thimu dza bola ya zwanḓa dza Univen na tshikwadi tsha Tshavenda tshabola yazwanda ngau angaredza. Vhovha vhe mugudisi na kha gudedzi ḽa Finyazwanḓa, hune zwa zwino ha ḓivhea sa Vhembe FET.

Mufumakadzi wavho, Vho Louisa Nthangeni, vhari sa muṱa vha pfa vha tshi ḓi hudza ngau bveledza “muṅwe wa vhathu vha ndeme kha muvhundu washu”. Vho amba lauri Vho Nthangeni vho shela mulenzhe zwihulu khau takusa tshiimo tsha mutambo wa bola ya zwanḓa, mitambo, na pfunzo kha muvhundu wavho. “Ro vhaisala nga u xetshelwa nga muthu a fanaho na Vho Nthangeni, fhedzi ri pfesesa zwauri mudzimu vho ita lufuno lwavho,” vha amba.

Vho Conso Makhura, vhe vha shuma na Vho Nthangeni kha zwa mutambo wa bola ya zwanḓa vho ṱahisa Vho Nthangeni sa muthu vhe vhavha vha tshi fhaṱa lushaka. Vhovha vha tshi tou fhira zwe ravha ri tshi ṱoḓa hone vhovha vha tshi dzula vhe hone musi muthu atshi vha ṱoḓa. Zwa zwino vho ṱuwa, ri tou ofha uri ahuna ane aḓo kona u ḓadza tshikhala tshe vha sia kha muvhundu washu..

Mushumo wa tshihumbudzo wo farelwa Maniini Rugged Cross Christian Church nga Ḽavhuraru ḽa fumbili-iṋa Lambamai nga masiari. Hone vha ḓo vhulungwa mavhiḓani a Mbaleni nga Mugivhela wa ḽa fumbili-sumbe.

Date:29 April 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 166