Muṅwe wa vhatumbuli vha Black Consciousness Movement vha dovha hafhu vhavha muḓivhi wa maṅwalo vho nothaho, Phurofesa Vho Harry Ranwedzi Nengwekhulu, vhari pfufho ye vha avhelwa yone nga muphuresidenthe Vho Cyril Ramaphosa asi gundo ḽavho vhe vhoṱhe fhedzi ndi ḽa vhoṱhe vhe vha lwela u vhofhololwa ha vharema nga thsifhinga tsha muvhuso wa tshitalula.

U aluwa wavha mualuwa are na nungo ndi zwa vhuṱhogwa kha vhaaluwa hone vha zwi rangisa phanḓa, izwi ndi zwe zwa ṱuṱuwedza vhomakhulu vha fuiṋa vha bvaho Tshakhuma uri vha fhaṱe mivhili yavho ivhe ire na nungo hone ire na mutakalo. Vhomakhulu avha, vhane vha dzulela uya u ṱhaṱhuvhiwa zwa mutakalo kha kiḽiniki ya Tshakhuma, vho ḓi sikela tshigwada hone zwa zwino vho rwela ṱari thimu yavho ya bola ya milenzhe ine ya vhidzwa Tshakhuma Clinic Old Age FC.

Mutambi wa matambwa, Vho Nyambeni Robert Munyamela, vha kha fulo ḽau ṱoḓa u vula khamphani ya vhubveledzi ha matambwa uri vha kone u pfumbudza vhatambi vhane vha takalela nau ṱoḓa u aluwa kha nḓowetshumo ya matambwa ubva kha vhupo havho, uri vha kone u imedzana na vhaṅwe vhatambi u mona na shango nau bvela nnḓa u mona na ḽifhasi musi zwikhala zwi tshi vha bvelela.

Vhulwadze hau eḓela he havha hu songo ḓowelea ho kombetshedza makhulu Vho Nkhumeleni Netshimboni uri vha litsha tshikolo nga ṅwaha wa gidiḓaṱahe fusumbe-mbili musi vhe mugudiswa wa tshikolo tsha nṱha tsha Thengwe kha murole wa vhusumbe. Vho Nkhumbuleni vha bvaho kusini kwa Tshivhongweni, nnḓa nyana ha Musina, vho ḓou pfulutshela kha iṅwe ya dzi bulasi dza hanefho, he vha shuma sa rabulasi, vhavha na vhana vha rathi nga tshifhinga itsho.

Pfunzo sa tshipikwa tshau bvelela zwavhuḓi kha vhafumakadzi ndi zwinwe zwa zwithu zwa vhuṱhogwa kha vha davhi ḽa Ṱhohoyanḓou la foramu ya vhulangi ha mabindu (BMF). Izwi ndi zwone zwe zwa ṱuṱuwedza vha BMF uri vha dzhie tsheo yau hulisa Dr Khensani Xivuri, muthu wa u tou thoma u pfufhiwa vhudokotela (PhD) kha Applied data science. Dr Xivuri u na BCom kha informats, BCom (honours) kha informatics, na masiṱasi ya information technology (MIT) ubva Yunivesithi ya Pretoria.

Vhadzulapo vha Hamalamulele vhoḓi dzhenisa kha mugwalabo une wa khou bvela phanḓa, vha khou ṱoḓa tshumelo dza khwine kha vhupo havho ubva kha vha masipala wa tshiṱiriki tsha Vhembe. Tshumelo dzine vha khou gwalabela zwone ndi maḓi na bada dzo khwinifhadziwaho.

Muthuntshano we wavha hone vhukati ha mapholisa na mavemu we wa itea ngei Tshakhuma wo sia vhadzulapo vha Tshakhuma vho ḓalelwa nga nyofho. Muṅwe wa mapholisa ayo, Sedzheni M Nemahadeni wa minwaha ya fuiṋa-iṋa, o ḓou thuntshiwa lu tatisaho nga tshifhinga tsha tshiwo itsho. O ḓou hwalelwa vhuongeloni ha Bulugwane nga bupho ḽiṱuku, he mashudu mavhi a fhedza ori sia shangoni nga madekwana a Lavhuṱanu. Nemahadeni ovha e muṅwe wa yunithi ya mapholisa a tshiṱitshi tsha Levubu.

U vhuya ha mvelelo dza tshivhangi tsha lufu lwa Lindelani Nengovhela we avha a tshi ḓivhiwa khwine nga ḽa Mia Muofhe zwo swika sa tshimangadzo kha vhathu vhanzhi. Mia Muofhe vho lovha nga tshipfudamuya. Izwi zwo itea nga maḓautsha a ḽa fumbili-malo Phando ṅwaha wo fhiraho. Tshitumbu tshavho tsho ḓou waniwa ngomu ha mulonga wa bunga wa nnḓa wo ḓalaho nga maḓi nga matsheloni a ḓuvha iḽo.

Musi dzi khetho dzo noḓi sendela tsini, mahoro azwapolotiki a khou lingedza nga nḓila dzoṱhe uri vha kunge vhakhethi vha ḽihoro ḽavho. Vhunzhi havho vha ḓi swika khau ita dzikhuguwedzo dzi kungaho u ḓisela vhathu milaedza na pfulufhedziso dza tshumelo dzavho. Mashudu mavhi, mavemu vha tshinyadza mabambiri a khunguwedzo idzo, zwine zwavha zwi tshi tou vhonala hone na maga a ndaṱiso ha thudzelwi kule.

Thendo Netshishivhe, mudzulapo wa muvhundu wa Vhufuli nnḓa nyana ha Ṱhohoyandou, ovha o farwa lwendo lwe avha a khou takadza vhomakhulu awe vhavhili. Thendo o fara lwendo lwa maḓuvha mararu uyangei khala Kwazulu Ntala khala, Durban na vhomakhulu avho vhavhili he vhadalela la Durban lwau thoma vhutshiloni havho.

U anda ha u dzhiiwa nga khani na u rengiswa ha vhana zwo dovha hafhu u vuwa hafhu. Izwi zwi tevhela u anḓadzwa ha ḽitambwa, “Ro Tshinya Mini” ḽe ḽa ṅwalwa nga muṅwe wa vhanwali vha vhupo ha tshiṱiriki tsha Vhembe.

Hu na khuḓano nga ha vhuhosi kha kusi kwa Phiphidi vhukati ha muṱa wa musanda na muṅwe wa vharangaphanḓa vha lushaka lwa haTshivhase, Mailausumbwa Vho Kennedy Tshivhase. Nga Mugivhela ḽa wa fumbili-sumbe Lambamai, Vho Tshivhase vho furalela ndaela ibvaho khothe khathulo vho bvela phanḓa nau vhea Vhamusanda tshiduloni kha kusi kwa Phiphidi.

Nga murahu ha lwendo lwa minwaha i padaho fuiṋa-mbili, muṅwe wa madzhakanḓila kha sia ḽa pfunzo kha tshiṱiriki tsha Vhembe, Dr Gerson Nthambeleni Rambiyanma vho notha. Dr Rambiyana vho notha ṅwedzi wo fhiraho.